Hezkuntza munduan egiten diren ekintzen eta izaten diren ezagutzen zabalkunderako komunikazio-egitura bat da.  

Bereziki hezkuntza-profesionalei zuzendutako egitura bada ere, funtzio soziala ere badu. Izan ere, hezkuntza-komunitatearen kide guztientzat (ikasleak, familia, eragile sozialak, eta abar) irekia da. Beraz, herritar guztiek informazioa izateko erreminta ere bada. 

Hezkuntzari lotutako ezagutzak eta ekintzak modu integratu batean transmititzea , hezkuntza ezagutzak eta formazioa hobetzeko eta bultzatzeko.  

Adituek eta hezkuntza-munduko profesionalek egindako ekarpenei esker, hezkuntza-komunitateak, eta herritarrek orokorrean, gaurkotasuneko gai desberdinen inguruan informatuta egoteko aukera izango du. 

Era berean, garrantzitsua da irakasleek eguneroko jardunean behar dituzten baliabide eta tresnak modu integratuan eskura izatea. Izaera bateratzailea du Hezkuntza Komunikaziorako Unitateak. 

Etengabe eguneratzen joango den gunea da. Gainera, erreferentziazko gunea bihurtzeko ahalegin horretan, sare sozialen bitartez ere zabalduko du edukia. 

Bestalde, komunikazio-egitura den heinean, publiko hartzailearen ahotsa jasotzeko mekanismoa ere badu. 

Ingurune birtualaren oinarria curriculumaren garapenean dago, hori baita hezkuntza profesionalen ardatza.  

Curriculumaren garatze horretan, Sailak bultzatutako beste planak estuki lotuta daude, horien bitartez garatzen baitira Curriculumaren bi printzipio nagusiak: bikaintasuna eta ekitatea.  

Hortaz, ezinbestekoa da, jada martxan diren beste ekimenek ere lekua izatea HKU honetan: 

• Irakurgunea 

• Steamgunea 

• Hezkidetzagunea 

• Bizikasigunea 

• Amarauna 

• Digigunea